SELLULARII Opifices

SELLULARII Opifices

qui dicantur, notum. Eos sub rumultus Gallici famam ad bellum excitos, Liv. memorat l. 8. c. 20. Consules novi ----- comparare inter se provincias iussi: et Mamercinus, cui Gallicum bellum obvenerat, scribere exercitum sine ulla vacationis venia, quin opificum quoque vulgus et sellularii, minime militiae idoneum genus, exciti dicuntur. De illorum commissionibus, Athenis olim in festo χαλκεῖα factis, diximus supra, voce Manuariae, it. Opifices. Dictae autem Artes Sellulariae, alias Sordidae et illiberales, quod separari soleant ab iis, quas homine ingenuô non indignas censemus, adeoque non nisi vulgo infimo et foeci vulgi conveniant. Certe Romani Rerum domini huiusmodi artes non exercebant satis longô tempore, servis ac pereegrinis illarum curâ permissâ. Dionys. Halicarn. l. 11. f. 98. ἐπιδιφρίους μὲν καὶ βαναύσους τέχνας δούλοις καὶ ξένοις ἐπέδωκε μεθοδεύειν, καὶ ἀνέμεινεν ἕως πολλοῦ χρόνου δἰ αἰχύνης ὄντα Ρ῾ωμαίοις τὰ τοιαῦτα ἔργα, καὶ ὑπ᾿ οὐδενὸς τῶ αὐτιγενῶν ἐπιτηδευόμενα. Duo tantum ingenuis relicta studia, rei militaris, ac rusticae, ibid. idque exemplô ac institutô Laconum, Plut. in Numa et Agesilao: Platonis item, qui ex civitate, quam sibi animô figurabat, artes sordidas eiecisse legitur, de legg. l. 5. Hinc Caecilius eas Christianis obicit, tamquam sordidis et abiectis, apud Minucium Fel. Octavio. Indignandum, aiens, omnibus, audere quosdam et hoc studiorum rudes -- expertes artium, nisi sordidarum, certum aliquid de summa rerum--decernere. Christiani namque, lege et praescriptô suae disciplinae, institutô item ac more Ecclesiae eas exercebant. Ipsi etiam Ecclesiae Doctores ἐριουργοὶ σκυτοτόμοι καὶ κναφεῖς, lanari, sutores et fullones habiti. Origenes contra Celsum l. 3. item σκυτεῖς, ὑφάνται, χαλκοτύποι κλ. cortarii, textores, fabri aerarii etc. Theodoretus Serm. 8. pistores, apud eundem Minucium, ubi iterum Caecilius, ut pistorum praecipuus, ita postremus Philosophorum: σκηνοποιὸι, tabernaculorum confectores, qualem fuisse Aquilam, et ὀμότεχνον eius ipsum Gentium Apostolum, legimus Actor. c. 18. v. 3. etc. Faciebant autem id, εἰς τὸ ἐπαρκεῖν καὶ τοῖς ενδεομένοις, ut non sibi tantum necessaria procurarent, sed et egenis succurrere possent, Epiph. Haer. 80. iuxta monitum Apostoli, Ephes. c. 4. v. 28. nec aliis molesti esse cogerentur, z. Thess. c. 3. v. 8. Unde illa veter. Monachorum ἐργόχειρα, quae et χειρέργια, quorum toties meminit Basilius Α᾿ςκητικοῖς, et ἐρωτήσει 37. et nos supra non unô locô. Vide Io. a Wower Notis, Geverh. Elmenhorst. Commentar. Desid. Heraldum Castigat. et Notis ad Minucium Fel. d. l. szora etuam vice Ordo aliquid.